ותאסוף גליותינו לחצרות קדשיך
שטייענדיג נענטער ווי ווייטער אריין אינעם זמן שמחתינו גרייטן זיך הונדערטער אנשי שלומינו די בכל אתר ואתר מיטצוהאלטן די ימים הנעלים והנשגבים די צווייטע טעג יו''ט בצל הקודש.
גאר אסאך כוחות ווערט אריינגעלייגט דורך די געטרייע עסקני הקהלה צוצושטעלן אלע נויטיגע באדערפענישן עצהיו"ט, צענדליגע משפחות תושבי קריתינו הק' עפענען פתח ביתכם אריינצונעמען געסט לכבוד יו''ט, און עס ווערט צוגעשטעלט רייכע סעודות יו''ט בי די שלחנות הטהורות פון כ''ק מרן רבינו שליט''א.
*
צו די צופרידענהייט פון אנשי שלומינו די בכל אתר ואתר ווערט בעז''ה אויך צוגעשטעלט א גרעסערע פלאטע פון מאוביל'ס, לקראת די צווייטע טעג יו''ט הבעל''ט בצל הקודש, אין קרית מלך רב קרית טאהש המעטירה.
כדי צו פארגרינגערן פאר די עסקנים אין די יעצטיגע פארנומענע ערב יו''ט טעג, ווערט זייער געבעטן נישט צו לאזן די פלענער אויף די לעצטע מינוט, נאר אויב האט איר פלאן צו דינגען א מאוביל, רופט אריין ווי פריער נאך בעפאר ערב יום הקדוש און רעזירווירט אייער מאוביל.
רופט קול איחוד טאהש 718-451-8674 עקס. 1-9
אדער רופט אריין די ספעציעל נאמבער 929-992-8674
*
די מואבילס ווערן ארויסגעגעבן פאר די געסט וועלכע האבן נאנטע קרובים אדער גוטע פריינט ביי וועלכע זיי קענען עסן די סעודות יו''ט מיט א ברייטקייט, נאר די פראבלעם קומט צום אויבערפלאך ווען די געסט האבן נישט ווי צו שלאפן, און האבענדיג א מאוביל גלייך נעבן די אכסניא ווי מען עסט, וועט די מאוביל קענען דינען אלס די פאסיגע אכסניא צו שלאפן.
די מאוביל'ס וועלן בעז''ה זיין איינגערישט מיט אלע איינריכטונגען צו שלאפן, ווי לינען, נעגל וואסער, ביה''כ, עיר-קאנדישאן/הייצונג, א.א.וו.
און ווערט ווערן ארויסגעגעבן פון זונטאג חוה''מ ערב הושע''ר ביז דאנערשטאג אסרו חג פארמיטאג. |
