נייע חידוש צוגעשטעלט דורך "פרנסה ביחד" צו פארמערן אחדות אין פעלד פון פרנסה!
מטעם הנהלת האיחוד ווערט געמאלדן דעם שפאגל נייעם פראיעקט פון פרנסה ביחד, וואס וועט ארויפברענגען אויף קול איחוד אנשי שלומינו וועלכע פירן ביזנעסער געשעפטן און סערוויסעס, צו קענען איבערצוגעבן זייער אינפארמאציע פארן ברייטן ציבור אנשי שלומינו און טויזנטער קול איחוד אריינרופער, און אזוי פארמערן דעם איש את רעהו יעזורו אויף העכערע שטאפלען.
די נייע אפטיילונג איז געעפנט געווארן אויף קול איחוד טאהש 718-451-8674 / 514-500-8674 - ביים דרוקן 133 פון די מעין מעניו.
די ערשטע אין די רייע קען מען הערן א רייכע אינטערוויו מיט הרב ר' זיידל ראזענבוים שליט"א מנאדבורנא בלומינגבורג, איבער זיין "מכון הגורלות" און דעם אטאמאטישן גורל טעלעפאון סיסטעם, ווי מ'קען אויך מיטהאלטן א לעבעדיגע גורל פרעזענטאציע.
האלט מיט די לייוו גורל עקזעמפ"ל אויפן טעלעפאון, און הערט מער איבער די ספעציעלע פראמאוש"ן פון מכון הגורלות פאר איחוד מעמבער'ס!
רופט אריין קול איחוד עקסט. 133 מיטצוהאלטן דעם פראגראם.
הערליכע מלוה מלכה פארגעקומען בקרב קהלתינו הק' מאנטריאל
פארגאענגענע מוצש"ק ויחי העעל"ט איז פארגעקומען א הערליכע סעודת מלוה מלכה בהיכל בית מדרשינו אהל אלימלך אין שטאט מאנטריאל, בראשות כ"ק מרן רבינו שליט"א, פאר כל הקהל הקודש, לומדי ומתפללי בית מדרשינו.
במשכ'ן סעודה האבן אויפגעטרעטן מיט פאסיגע דיבורים, הרה"ג ר' אלכסנדר בלויא שליט"א ראש חבורת עבודת עבודה, הרה"ג ר' עקיבא יוסף ראבינאוויטש שליט"א מרבני בית מדרשינו, און הרה"ח מוה"ר עזרא שמעון ישראל סג"ל נייהויזער הי"ו. וועלכע כולם פה אחד האבן ארויסגעברענגט די פילע פעולות און הערליכע מסגרת'ן וואס קומען פאר בקרב קהלתינו הק', און ווי די ביהמ"ד וואס רבינו הקדוש זי"ע האט אויפגעשטעלט מיט אריבער 60 יאר צוריק גייט ווייטער אן, און עס ווירבלט ב"ה בתורה ותפלה במשכ'ן גאנצע וואך, ושבת בשבתו ומועד במועדו.
רבינו שליט"א האט משמיע געווען דברות קודש, דערנאך געוואונטשן לחיים, און מעלה געווען זכרונו הטהור פון רבינו הקדוש זי"ע משנים קדמוניות, בימים ההם ווען רביה"ק זי"ע האט געוואוינט אין מאנטריאל.
דערנאך האט דער רבי טועם געווען פון די קוגל, און פארטיילט שיריים פאר כל הקהל הקודש.
מיט ברהמ"ז על הכוס האט דער רבי מכבד געווען הגה"צ ראב"ד סקווירא שליט"א.
