געהויבענע באזוך פון כ"ק מרן רבינו שליט"א במבצר הישיבות אין ניו יארק לאזט איבער שטארקע רישומא קדישא אויף תלמידי הישיבות
נעכטן מאנטאג פר' תולדות ארום 2:45 נאכמיטאג איז רבינו שליט"א אנגעקומען אויף א קורצע בליץ באזוך אין ניו יארק, דער רבי איז צום ערשט אנגעקומען בבנין הישיבה גדולה תורת משולם פייש אין קרית יואל, ווי דער רבי האט געקלאפט א מזוזה אינעם נייעם בנין, דערנאך מכבד געווען דער מנהל הרה"ג ר' מענדל וואלף האלצער שליט"א צו קלאפן א מזוזה.
דערנאך האט מען זיך געזעצט צום מסיבת לחיים, ווי מען האט געזינגן ווארימע ניגונים, און דער מנהל שליט"א האט אויפגעטרעטן מיט פאסיגע ווערטער, און באגריסט דעם רבי'ן, איבערגעבנדיג א גריס ווי די תלמידי הישיבה הארעווען אריין מבוקר אל הערב, און מען אקערט אדורך די פעסטע סוגיות פון מס' בבא מציעא, און די עומקה של הלכה פון הלכות שבת. און ווי עס זעהט זיך אן די גוטע מדות פון די תלמידים בין אדם לחבירו, און ס'איז ניכר קלסתר פניו אויף די תלמידי הישיבה, אז דאס זענען טאהש'ע תלמידים.
דער רבי האט משמיע געווען דברות קודש, דערנאך געמאכט א לחיים און פארטיילט שיריים פון די לקח פאר אלע בחורים. דערנאך האט מען געדאווענט א פייער'דיגע תפילת מנחה.
*
דערנאך איז דער רבי אין באגלייטונג פון די תלמידי הישיבה גדולה, אריבער צום דערנעבנדיגן בנין הישיבה קטנה תפארת משולם פייש, ווי עס איז פארגעקומען א מסיבת שבע ברכות, לכבוד הרה"ג ר' יואל גאנדל שליט"א, ר"מ בישיבה גדולה ובישיבה קטנה, ווי דער מנהל הרה"ג ר' מנחם מענדל סג"ל גאלדשטיין שליט"א האט אויפגעטרעטן, און מקבל פנים געווען דעם רבי'ן, דערנאך האט דער רבי משמיע געווען דברות קודש דברי פתיחת הזמן בעניני תורה ויראת שמים, עבודת התפלה ומדות טובות, פאר א לענגערע צייט. דערנאך האט מען ארויסבאגלייט דעם רבי'ן בשירה ובזמרה.
בילדער
בהיכל ישיבה גדולה תורת משולם פייש
ניו יארק
מסיבת לחיים ודברות קודש |
המשך באריכט פונעם באזוך אין ניו יארק
ארום 4:45 נאכמיטאג איז רבינו שליט"א אנגעקומען אין מאנסי אויף ניחום אבלים ביי בן אחותו האדמו"ר מ'זידיטשוב פרעמיסלא שליט"א, היושב על פטירת אשת נעורים הרבנית הצדיקת ז"ל, ווי דער רבי האט זיך אויפגעהאלטן א לענגערע וויילע, שמועסנדיג זכרונות מימי קדם, און בשבחיו פון די חשוב'ן נפטרת, דער רבי האט אריינגעבלאזן עמער'ס פון חיזוק ועידוד אין די אבילים און יתומים, און מנחם געווען בנוסח המקובל.
דערנאך איז דער רבי אריבער צו ישיבה גדולה דמשק אליעזר זידיטשוב פרעמיסלא ווי דער רבי האט משמיע געווען דברות קודש פאר די תלמידי הישיבה.
*
בשעה 6:35 איז דער ערשינען בבית מדרשינו אין מאנסי, ווי דער רבי האט געדאווענט תפילת מעריב, צום עמוד איז צוגעגאנגען הרב יוסף מאיר הערשקאוויטש שליט"א מנהל בית צירל.
נאך מעריב האט דער רבי געמאכט קביעת מזוזה אויפן נייעם בנין הבית המדרש, דערנאך זיך געזעצט צום מסיבת לחיים, ווי מען האט געזינגן פאסיגע ניגונים און דער רבי האט משמיע געווען דברות קודש און פארטיילט לקח פאר אלע פארזאמעלטע, דערנאך געזעגנט דעם ציבור.
*
דערנאך איז דער רבי אנגעקומען בנין התלמוד תורה עבודת משולם פייש אין מאנסי, ווי דער רבי האט זיך אומגעקוקט מיט קענטיגע הנאה, און אנגעוואונטשן ברכת קדשו פאר די עסקנים.
דערנאך זיך ארויסגעלאזט אויפן וועג אהיים למעון קדשו אין קריתינו הק'. |
